|
上个星期睇左<我的最爱>...
之后我又再次重温<独家试爱>...顺便睇埋<十分爱>...
呢三部曲..我上个星期重重复复睇左N次..宿舍嘅人话我睇上隐...
其实唔系啊..因为呢三部曲我觉得真系俾左好多感触我...
<独家试爱>
呢部戏系陈生介绍俾我睇噶..陈生话佢睇左差唔多10次..依然甘中意，甘有feel...
果时陈生系电话嘅另一边陪住我睇..我地两个嘅电脑同步播紧呢部戏...都系第一次同陈生做D甘傻嘅事..
睇到好夜..但系几夜都值得...
可以讲，呢部戏里面描写嘅婚后生活系我同陈生嘅理想....
感触最深嘅系阿宝无论几夜落班都有老公接...好温馨好温馨~！
印象最深刻嘅系Josephine嘅一句话：“中意？你觉得可以中意几耐呢？爱情，系有期限嘎..”
我觉得有时D嘢好难讲...或者有期限或者无期限...
如果两个人之间产生左问题一直未得到解决，时间耐左矛盾就会激发....到左大家都无办法忍受嘅时候爱情嘅期限就出现了..
以前陈生同我讲过两句话：
“你同一个人一起，你会感觉到可以行几耐...”
“每一对情侣都会遇到难关，但系只要手牵手，唔放弃，就可以共同跨过这个难关..”
到而家，我依然对呢两句话深信不疑...因为我觉得真系讲得好岩...
至少..我同陈生真系经历左呢个阶段...用事实证实左呢两句话...
如果每次都可以一起将问题解决...爱情一定会变得无期限...
<十分爱>
呢部戏里面嘅阿宝系一个情场浪女...不相信爱情....但系到佢相信嘅时候，原来佢被骗了...
不过可以令到两个人可以重新走返埋一起...或者呢个谎言系善意嘅...从结果黎睇无疑系好噶...
俾我最大冲击嘅系呢句台词“呢个世界咩都系掩眼法，睇到嘅未必系真；真嘅，你又无甘好彩睇到...”
睇完之后..我成个人呆左..呢句台词一直系我脑海重复又重复....
事实可能系甘...但系有时如果睇唔到真实嘅嘢或者会仲好呢！
如果知道某D事实会令到自己伤心或者会令到自己失去某D重要嘅嘢，甘样我选择被骗，甚至无知....
因为我害怕面对残酷嘅现实...我更加唔想失去属于自己嘅嘢！
小武同晴晴果段..又系令我感触好深...就算晴晴结左婚，小武依然守护系晴晴身边...直到死果刻仲系希望可以同晴晴一起..
呢D叫痴情..但系痴情无罪..对方结左婚唔等于唔可以继续去中意对方..只系自己已经无左果个可以同对方一起，令到对方幸福嘅机会...所以好多人呢个时候都会选择放弃...因为甘样对自己嘅将来比较好..
不过小武就选择左继续去守护晴晴...虽然已经无左果个机会，但系佢用左另外一种方式去爱晴晴...
<我的最爱>
最近见到好多朋友都写左关于呢部戏嘅观后感..
阿敏同阿风果段“后备情人”嘅剧情...其实我觉得只系用左一个好听嘅名词去修饰呢段“外遇”...本质系无变噶..
呢一段里面好多台词都讲得好有道理..我好中意...都引起我嘅反思...
至于阿宝果段多角恋..证明一样嘢..有D嘢就算你几信任都好，或者有一日会变质，会变成伤害你嘅谎言....
结局依然令人耐人寻味...
| 
